gradeznimaterijali

 Во поново време се појавуваат синтетички материјали – пластични материјали, кои се применуваат во повеќе области во градежништвото. 

Според примената на градежните материјали, тие може да се поделат на две групи и тоа: 

- конструктивни материјали (природен камен материјал, вештачки камен материјал, малтери, бетон, керамички материјали, дрво, метали и др.); 

- специјални материјали (топлотни и звучни изолациски материјали, хидроизолациски материјали и антикорозивни премази, бои, лакови и др.).

 Градежните материјали, исто така, се употребуваат и како суровини за добивање други градежни материјали и основа на која се формираат градежни конструкции и објекти.

 Основни својства на градежните материјали се: 

- физички својства;

 - механички својства; 

- хемиски својства. 

Физички својства се својства на материјалите кои може да се забележат со нашите сетила или да ги измериме со инструменти и уреди. Такви може да бидат: влажност, водопропустливост, отпорност на пожар, спроводливост на топлина, отпорност на мраз, паропропустливост и др. 

Влажност на материјалот претставува сооднос на масата на водата во однос на масата на цврстите честички во набљудуваниот волумен. Основни големини за опишување на влажноста се апсолутна и релативна влажност и тие се изразуваат во проценти.